[23-05-2013] O alcalde de Ames, Santiago Amor, e o concelleiro de Educación, Bernardo Moar, mantiveron unha reunión esta mañá no Concello co xefe territorial da Consellería de Cultura, Educación e Ordenación Universitaria, Indalecio Cabana Leira. O encontro tivo como obxectivo abordar diferentes demandas dos centros educativos do municipio amiense.
Na reunión, o rexedor e o concelleiro trataron co xefe territorial da Consellería a situación e as necesidades dos cinco centros públicos de educación Infantil e Primaria (CEIP Agro do Muíño, EEI do Milladoiro, CEIP A Maía, CEIP de Barouta e CEIP de Ventín), así como do IES de Ames.
Ademais, abordaron a próxima posta en marcha do IES do Milladoiro no vindeiro curso e a ampliación do CEIP de Ventín. Despois do encontro, o concelleiro e o xefe territorial achegáronse a algúns dos centros educativos de Ames que presentan máis necesidades.