[22-09-2014] Logo da reunión mantida o mércores 18, na sede da Subdelegación de A Coruña, entre os veciños de Coira, os representantes de ADIF e os representantes dos Concellos de Ames e Santiago, o pasado xoves as partes xuntáronse novamente na aldea de Coira para valorar as alternativas ao trazado.Os posibles novos trazados terán que ser analizados en canto á súa viabilidade técnica e económica por parte do ADIF. O Alcalde da Ames, Santiago Amor, agradeceu novamente a disposición de todos para atopar un acordo satisfactorio.
O pasado mércores, mantívose unha reunión na sede da Subdelegación do Goberno en A Coruña. En dita reunión tanto os veciños de Coira, coma os Concellos de Ames e Santiago e o ADIF saíron co compromiso de buscar unha alternativa ao trazado actual que atravesa a aldea. Ademais acordouse manter unha nova reunión na zona afectada, entre representantes dos veciños, do ADIF e dos Concellos de Ames e Santiago de Compostela.
O xoves 18, dando cumprimento ao compromiso acadado, tivo lugar a xuntanza na aldea de Coira, á que asistiron tanto o Alcalde de Ames, Santiago Amor, coma o concelleiro de Urbanismo, Alfredo Taboada, técnicos de ADIF, representantes dos veciños de Coira e técnicos do Concello de Santiago.
Nesta reunión, valoráronse as alternativas ao trazado actual que atravesa a aldea, de maneira que se alonxe dos núcleos de poboación. Ditas alternativas terán que ser analizadas en canto á súa viabilidade técnica e económica por parte do ADIF.