[10-10-2014] Este venres, 10 de outubro, finaliza o prazo para presentar ofertas no proceso de licitación do ciclo integral da auga. Ata o de agora o Concello de Ames xa conta cun mínimo de catro ofertas, para xestionar o servizo público de abastecemento domiciliario de auga potable, saneamento e depuración de augas residuais do concello de Ames por un período de nove meses. Cómpre lembrar que o anuncio da licitación saíu publicado no Boletín Oficial da Provincia (BOP) o pasado 2 de setembro. O seguinte paso será a constitución da mesa de contratación, que procederá a cualificar a documentación de carácter xeral e os defectos ou omisións.
Ata este momento presentáronse catro ofertas para xestionar un dos servizos máis importantes do concello de Ames. Aínda que hai que ter en conta que o prazo de presentación de solicitudes remata este venres, 10 de outubro, á media noite, polo que é posible que haxa algunha oferta máis.
Cómpre lembrar que o anuncio da licitación saíu publicado no Boletín Oficial da Provincia (BOP) o pasado 2 de setembro. A partir do día 3 de setembro os licitadores tiveron 30 días naturais para presentar as súas propostas no rexistro xeral do Concello. Unha vez finalice o prazo de presentación de ofertas, o seguinte paso será a constitución da mesa de contratación que procederá a cualificar a documentación de carácter xeral e os defectos ou omisións. A continuación, reunirase para proceder a verificar a documentación xeral.
Licitación por un período de nove meses
Dende o goberno municipal manifestan que “se adoptou esta decisión despois de que a proposta de licitar este servizo, por un período de dous, anos fose rexeitada nos plenos de maio e xuño por parte dos concelleiros/as da oposición”.
A concelleira de Medio Ambiente engade que “debido a iso, e como un servizo tan importante como este non pode quedar sen relación contractual, tivemos que optar por aprobar en Xunta de Goberno Local a licitación de dito servizo por un período de nove meses”.
“Esta é a opción menos prexudicial para o Concello de Ames e a partir de que se adxudique á nova empresa, esta terá que asumir gastos que na actualidade asume o Concello, aparte de ingresar un canon, o que suporá un alivio económico para o propio Concello”, apunta a edil amiense.
Segundo explica María Eugenia Martín “ata que remate o proceso de licitación, o servizo de abastecemento e de saneamento municipal está garantido e seguirase prestando con total normalidade, como se veu facendo ata o de agora”.
Contido relacionado
.JPG)
La Voz de Galicia: "Cuatro empresas optan al contrato del agua de Ames por un período de 9 meses"
El Correo Gallego: "Ames recibe varias ofertas para gestionar las fecales y traída por nueve meses"