[22-02-2018] O Concello de Ames informa de que xa está exposta a listaxe provisional de solicitudes admitidas no programa Primavera Lúdica. Premendo nos enlaces que están a túa dereita, baixo o apartado de descargas, poderás consultar esta lista. Debido a Lei de Protección de Datos non se poden publicar datos de carácter persoal, pero pódese comprobar se unha rapaza ou rapaz está admitida/o a través do número de rexistro que figura nesta lista e na copia do impreso de inscrición de cada usuaria/o. Esta listaxe tamén se pode consultar nas oficinas do departamento de Educación, situadas no Pazo da Peregrina, nas portas de entrada da Casa do Concello e nas oficinas municipais do Milladoiro. As persoas que desexen presentar algunha emenda teñen de prazo ata o 8 de marzo de 2018. Este servizo desenvolverase os días 26, 27 e 28 de marzo e o 2 de abril, entre as 07:30 e as 16:00 horas.