[09-05-2018] O Concello de Ames, a través das Concellarías de Medio Ambiente e Mocidade, fai públicas as listaxes provisionais de preinscritas/os nos campamentos municipais de verán. Na documentación tamén se pode consultar o sorteo das prazas daqueles campamentos, cuxa demanda superou o número de prazas dispoñibles. Cómpre lembrar que este ano ofértanse 445 prazas para 10 campamentos diferentes, que se desenvolverán entre o 28 de xuño e o 2 de setembro. Premendo nos enlaces que están a túa dereita, baixo o apartado de descargas, poderás obter as listaxes completas.