[15-12-2015] O Concello de Ames informa de que xa se poden consultar as listas definitivas de admitidos e excluídos no programa Nadal Lúdico 2015. Este servizo municipal desenvolverase tanto en Bertamiráns como no Milladoiro durante os días 21, 22, 23, 24, 28, 29, 30, 31 de decembro de 2015 e 4 e 5 de xaneiro de 2016. Nestas xornadas levaranse a cabo diferentes actividades lúdicas destinadas ao entretemento e á aprendizaxe dos máis pequenos. O horario será dende as 7:30 ás 16:00 horas.
Debido á Lei de Protección de Datos non se poden publicar datos de carácter persoal nesta lista, pero pódese comprobar se un rapaz ou rapaza está admitido/a a través do número de rexistro que figura nesta lista e na copia do impreso de inscrición de cada usuario/a. Estas listas tamén se poden consultar nas oficinas do departamento de Educación, situadas no Pazo da Peregrina, na Casa do Concello e nas oficinas municipais do Milladoiro.