[20-06-2014] O Concello de Ames, a través da concellaría de Educación, informa de que xa están expostas as listas de admitidos/as no programa de Psicomotricidade Educativa e Preventiva para o próximo curso 2014-2015. Os nenos e nenas que sexan admitidos terán que formalizar a matrícula entre o día 23 e o 30 de xuño. Os impresos de matrícula para a EEI do Milladoiro recóllense na Oficina Municipal do Milladoiro durante o prazo de matrícula, mentres que os impresos para realizar a matrícula nos colexios de Bertamiráns hai que recollelos no departamento de Educación, que está situado no Pazo da Peregrina, en Bertamiráns.
Por outra banda, os nenos e nenas que non saen nesta lista e cumpren todos os requisitos, formarán parte dunha listaxe de agarda para cada colexio onde se ofrece o programa de psicomotricidade. Estes nenos/as irán accedendo ao servizo en función das baixas que haxa. Premendo no enlace que está a túa dereita, baixo o apartado de descargas, poderás obter a lista de admitidos/as no programa de psicomotricidade educativa e preventiva.