[21-06-2013] O Concello de Ames, a través da concellaría de Educación, informa de que xa están expostas as listas de admitidos/as no programa de Psicomotricidade Educativa e Preventiva para o próximo curso 2013-2014. Os nenos e nenas que sexan admitidos terán que formalizar a matrícula entre o día 21 e o 30 de xuño.
Premendo no enlace que está a túa dereita, baixo o apartado de descargas, poderás consultar as listas de admitidos/as no programa de psicomotricidade. Debido a Lei de Protección de Datos non se poden publicar datos de carácter persoal nesta lista, pero pódese comprobar se un rapaz ou rapaza está admitido/a a través do número de rexistro que figura nesta lista e na copia do impreso de inscrición de cada usuario/a. Esta lista tamén se pode consultar nas oficinas do departamento de Educación, situadas no Pazo da Peregrina, na Casa do Concello e nas oficinas municipais do Milladoiro.
Esta actividade, que está dirixida aos nenos/as de 3 a 6 anos (etapa de educación infantil), desenvólvese nas aulas de psicomotricidade dos colexios de infantil, en Bertamiráns no CEIP A Maía e no CEIP Agro do Muíño, e no Milladoiro na escola infantil desta localidade. A actividade levarase a cabo cunha periodicidade dunha sesión semanal, cunha duración dunha hora, o longo do curso escolar. O obxectivo xeral que se persegue co programa de psicomotricidade educativa preventiva é favorecer o desenvolvemento do neno/a.