[14-09-2017] A Concellaría de Mocidade informa de que este luns, 18 de setembro, ás 18:00 horas, comeza o curso de primeiros auxilios na natureza organizado pola OMIX de Ames. Esta actividade desenvolverase na aula de usos múltiples da Casa de Cultura de Bertamiráns os días 18, 20, 25, 27 de setembro e 2, 4 e 9 de outubro, en horario de 18.00 a 21.00 horas, con excepción das dúas últimas sesións, 4 e 9 de outubro, que será de 2,5 horas de duración, de 18.00 a 20.30 horas. As prazas están completas por empadroados/as no Concello de Ames, existindo listaxe de agarda. O curso que se ía realizar no Milladoiro foi cancelado. Premendo na ligazón que está a túa dereita, baixo o apartado de descargas, poderás obter a lista de admitidos/as e información actualizada do curso.