- Tematica
A Concellería de Deportes vén de rematar a colocación e a montaxe de dous novos marcadores multideporte sobre as paredes dos pavillóns do Milladoiro e de Bertamiráns. A actuación, realizada pola empresa Medulio Servicios y Obras SL, contou cun investimento de 8.954,24 euros incluído no Plan Ames Progresa. Esta actuación enmárcase dentro do plan municipal de mellora das instalacións deportivas municipais.
Os dous pavillóns dos principais núcleos urbanos contan xa con novos marcadores deportivos, despois de que durante este mes foran instalados tanto os propios taboleiros como os seus respectivos sistemas de control. Para a compra e a instalación destes luminosos, sufragados con fondos do Plan Ames Progresa, investiuse un total de 8.954,24 euros (IVE incluído). O contrato fora adxudicado á empresa Medulio Servicios y Obras S.L a finais de novembro do pasado ano.
Os marcadores están preparados para a práctica polideportiva, contando con funcións para baloncesto, fútbol sala, balonmán, voleibol ou hóckey, entre outros. Esta actuación enmárcase dentro do plan municipal de mellora das instalacións deportivas municipais. O Goberno municipal aposta por ir mellorando as instalacións deportivas que existen para que poidan ser empregadas polos usuarios/as da escolas deportivas municipais e polos clubs deportivos do concello.
Nos últimos anos executáronse varias melloras nos dous pavillóns polideportivos do Milladoiro e Bertamiráns coa instalación dun novo pavimento de tarima flotante e tamén coa ampliación de ambos pavillóns a través de dous locais anexos. Tamén no pavillón de Bertamiráns se melloraron os vestiarios existentes. Este proceso de conservación e mellora dos pavillóns municipais complétase coa colocación destes novos marcadores electrónicos.
Este investimento acompaña a outras obras executadas recentemente pola Concellaría de Deportes, como a pista de “pump track” do Pedregal, rematada no pasado mes de xaneiro por un total de 48.077,03 euros, a recente adxudicación da reforma dos vestiarios do campo de fútbol de Bertamiráns por 81.771,99 euros; e a construción dos vestiarios do campo fútbol do Milladoiro. Ditas obras obras foron adxudicadas a empresa Obras Gallaecia SL por un importe de 76.244,28 euros (IVE incluído).
A concelleira de Deportes, Susana Señorís, explica que o Concello de Ames aposta polo fomento do deporte e engade “todas as melloras que se fagan nas instalacións deportivas existentes, así como os proxecto novos que se executen son moi necesarios, xa que hai unha alta demanda de instalacións por parte dos/as usuarios/as”.
Novas relacionadas
AMSGO!: "Os marcadores dos pavillóns deportivos de Ames modernízanse"
