O Ximnasio Squash Santiago, 2Más Academia de Tenis e Pádel, e Golán Squash Academy, están organizando para este venres, 23 de maio, o torneo benéfico Raquetas en Acción. Trátase dun evento deportivo no que os participantes poden pasar un día completo de squash, tenis e pádel en beneficio da Asociación Galega de Heteroplasia Ósea Progresiva.

Borja Golán destaca que “a idea deste torneo é dar maior visibilidade a esta enfermidade rara e tan difícil como é a heteroplastia ósea progresiva, e sobre todo apoiar a Cayetana e a Celia, que son xemelgas, e aos seus pais que levan loitando contra esta enfermidade varios anos. Tamén queremos apoiar ao grupo de traballo do CHUS, que investiga sobre esta enfermidade e teñen poucos recursos”. Ademais, engadiu “dende o Squash Santiago o obxectivo principal e darlle máis visibilidade a esta doenza e colaborar coa Asociación Galega de Heteroplasia Ósea Progresiva. Queremos recadar a maior contía de diñeiro posible para doarllos a dita entidade e que poidan seguir investigando. Agardemos que pronto poida haber un avance no seu tratamento”.

Durante todo o día, o deporte será o fío condutor dunha xornada pensada para gozar, compartir e dar visibilidade a unha enfermidade rara e apoiar a quen a vive de preto. O torneo comezará a partir das 17:00 horas aproximadamente. As inscrición pódense realizar nas instalacións do Squash Santiago.

Ás 21:00h dará comezo unha charla da asociación para coñecer máis de preto o seu labor e pecharemos o día cun cóctel solidario. Para os máis pequenos haberá inchables, música, bocadillos e moitas máis sorpresas.

Para dispor de máis información sobre a heteroplastia ósea progresiva pódese acceder á páxina web http://asgpoh.com/. As persoas que queiran contribuír coa investigación desta enfermidade pode facer a súa doazón a través desta ligazón.

Prezos de inscrición no torneo
A inscrición no torneo para as persoas adultas ten un prezo de 10 euros. Ademais, pódese adquirir unha camiseta por 10 euros. A inscrición no torneo e unha camiseta ten un prezo de 15 euros, mentres que a inscrición no torneo, unha camiseta e maila cea custa 25 euros. A cea e unha bebida ten un prezo de 15 euros.

Por outra banda, os prezos para os nenos/as (ata os 16 anos) son: inscrición no torneo (5 euros); camiseta (10 euros); cea e unha botella de agua (5 euros); inscrición no torneo e unha camiseta (10 euros); e inscrición no torneo, unha camiseta e cea (15 euros). Todo o diñeiro que se recade irá para a Asociación Galega de Heteroplasia Ósea Progresiva.

Novas relacionadas:

AMSGO: "Inscríbete e participa no torneo benéfico Raquetas en Acción"

Diario de Santiago: "Inscríbete e participa no torneo benéfico Raquetas en Acción"