Se algún veciño ou veciña dispón de probas, información ou detecta algo sospeitoso relacionado con esta situación, rógase que o comunique de inmediato á Policía Local (619 76 75 75) de Ames ou á Garda Civil (981 53 64 05) , co fin de poder tomar as medidas oportunas canto antes.

Na actualidade hai constancia dun animal que podería ter inxerido algunha substancia nociva, aínda que se están a realizar as análises correspondentes e non existe, polo momento, ningún resultado concluínte nin evidencia de que a inxestión se producise na zona sinalada (paseo fluvial).

Por outra banda, estanse a divulgar informacións erradas e imaxes que non se corresponden co termo municipal de Ames, polo que se solicita precaución á hora de compartir contidos non contrastados, co obxectivo de evitar a difusión de desinformación.

Ante esta situación, lembramos tamén a obriga de levar os cans atados con correa en todo momento, agás nos espazos especificamente habilitados para que poidan estar soltos.

O Concello de Ames seguirá informando ante calquera novidade que poida xurdir en relación a este caso.

Novas relacionadas: 

Diario de Santiago: "Información relativa á alarma social xerada debido á presenza de veleno ou cebos sospeitosos no paseo fluvial de Bertamiráns"