[29-06-2011] Chegou o verán e o Concello de Ames pon en marcha un ano máis o programa da Escola de verán. Este servizo permite a conciliación da vida familiar e laboral e está destinado a nenos e nenas de segundo ciclo de infantil e educación primaria. A Escola de verán desenvolverase durante os meses de xullo e agosto en Bertamiráns e no Milladoiro, de luns a venres, excepto festivos, en horario de 7:30 h. a 16:00 horas. As persoas que o desexen poden ver as listas definitivas de admitidos/as na Escola de verán. Estas listaxes están expostas na entrada da Casa do Concello, en Bertamiráns, e na oficina municipal do Milladoiro. Picando na ligazón que está a túa dereita, baixo o apartado de descargas, poderás obter información de interese sobre as actividades da Escola de verán que se desenvolverán no Milladoiro e Bertamiráns.