[08-03-2016] O Concello de Ames, a través do Centro de Información a Muller, informa dos gañadores e gañadoras do concurso de marcapáxinas posto en marcha con motivo da celebración do Día da Muller Traballadora. Este certame estivo dirixido aos nenos e nenas de Educación Infantil e Primaria dos colexios públicos de Ames. Os premios aos mellores traballos vanse entregar no acto de conmemoración do Día Internacional da Muller que se vai celebrar este martes, 8 de marzo, na Casa da Cultura do Milladoiro.
As bases do concurso establecen tres categorías diferentes. A primeira engloba ao alumnado de 4º, 5º e 6º cursos de Educación Infantil; a segunda ao de 1º, 2º e 3º de Educación Primaria e a terceira aos rapaces e rapazas de 4º, 5º e 6º de Educación Primaria.
Deste xeito os gañadores e gañadoras son:
-Na 1ª categoría: Carolina Guerra García, alumna de educación infantil do CEIP Agro do Muíño.
-Na 2ª categoría: Diego Cacheiro Blanco, alumno de 2º de primaria do CEIP Agro do Muíño.
-Na 3ª categoría: Iria Núñez Filgueira, alumna de 5º de primaria do CEIP A Maía.
