O pasado sábado, 17 de xaneiro, o club de atletismo MillaRaio participou no Campionato Galego de Cross Xogade 2025-2026, celebrado na vila lucense de Ribadeo e organizado pola Xunta de Galicia. Participou nesta competición o equipo feminino sub12, logo de proclamárense campioas provinciais, e tamén Mateo Vilela, da categoría sub12 masculino, que conseguiu a clasificación de xeito individual.

Durante esta xornada os resultados non puideron ser mellores para o MillaRaio: tanto o equipo feminino, formado por Pepa Bernárdez, Celia Mella, Sabela Cabo, Olaia Pazos, Erin Bouzas e Emma Regueiro; como Mateo Vilela, conseguiron o ouro nas súas respectivas categorías. 

Trofeo ABANCA e Campionato galego de clubs de probas combinadas
Por outra banda, o pasado 21 de decembro, os oito mellores equipos de Galicia déronse cita no Trofeo ABANCA na pista curta de Expourense. Durante esta competición, participaron os equipos sub12 feminino e sub10 masculino do MillaRaio. O equipo masculino logrou un valioso terceiro posto grazas ao bo traballo nas probas disputadas ao longo da xornada. Os postos do podio decidíronse na derradeira proba de remudas 4x50.

Polo equipo masculino sub10 participaron Mateo, Pedro, Xoel, Manuel, Samuel e Raúl, mentres que polo feminino sub12 fixeron o propio Celia, Olaia, Sabela, Lia, Vera, Xiana, Emma R., Emma V., Paola, Erin e Sara. 

As boas novas non remataron aí, porque, na seguinte fin de semana, os días 27 e 28 de decembro, o equipo formado Breixo Lucas, Nuno e David acadou unha traballada quinta posición no Campionato galego de clubs de probas combinadas.

Novas relacionadas

Bisbarra: "O Club de Atletismo MillaRaio comeza 2026 con dous ouros no Galego de Cross Xogade"