[17-06-2015] O salón de plenos da Casa do Concello vai acoller este xoves, 18 de xuño, ás 12:00 horas, o sorteo de prazas para os grupos de 4 e 5 anos que solicitaron participar no programa de psicomotricidade na EEI Milladoiro e para o grupo de 5 anos do CEIP A Maía. Para o resto de centros onde se imparte esta actividade municipal non é necesario facer sorteo. As listas de admitidos/as publicaranse este venres 19 de xuño. Posteriormente, os nenos e nenas que sexan admitidos/as terán que formalizar a matrícula entre o día 21 e o 30 de xuño.
Esta actividade, que está dirixida aos nenos/as de 3 a 6 anos (etapa de educación infantil), desenvólvese nas aulas de psicomotricidade dos colexios de infantil, en Bertamiráns no CEIP A Maía e no CEIP Agro do Muíño, e no Milladoiro na escola infantil desta localidade. A actividade levarase a cabo cunha periodicidade dunha sesión semanal, cunha duración dunha hora, o longo do curso escolar. O obxectivo xeral que se persegue co programa de psicomotricidade educativa preventiva é favorecer o desenvolvemento do neno/a.