Os días 26, 27 e 28 de decembro desenvólvese o obradoiro Xogando coa ciencia, na Casa da Cultura do Milladoiro, de 16.30 a 18.00 horas, para rapaces e rapazas de 6 a 12 anos. Esta actividade repetirase os días 2, 3 e 4 e xaneiro na Casa da Cultura de Bertamiráns. Asemade, os días 26 e 27 realizarase o obradoiro de Cociña de Nadal: obradoiro de galletas, na Casa da Cultura de Bertamiráns, de 18.30 a 20.30 horas, para rapaces e rapazas de 7 a 12 anos.

O obradoiro de Cociña de Nadal: obradoiro de galletas tamén se fará os días 2 e 3 de xaneiro (o mércores 2 na Casa da Cultura do Milladoiro e o xoves 3 na Casa da Cultura de Bertamiráns). Neste caso estará dirixida a nenos e nenas de 4 a 6 anos. Ademais, o xoves, 3 de xaneiro, de 11.30 a 13.30 horas, impartirase un obradoiro de galletas de Nadal, na Casa da Cultura de Bertamiráns, para rapaces e rapazas de 6 a 12 anos. Para estas actividades hai que inscribirse previamente ata o 18 de decembro, enviando un correo electrónico ao enderezo auladanatureza@concellodeames.gal.

Obradoiro de programación, electrónica e deseño 3D
Por outra banda, os días 26, 27 e 28 de decembro realizarase un obradoiro de programación, electrónica e deseño 3D na aula de informática da Casa da Cultura do Milladoiro, de 18.00 a 20.00 horas. Este mesmo obradoiro desenvolverase os días 2, 3 e 4 de xaneiro na Aula de informática da Casa da Cultura de Bertamiráns. Está dirixido aos mozos/as que teñan de 12 anos en diante. É preciso inscribirse do 4 ao 18 de decembro, enviando un correo electrónico ao enderezo omix@concellodeames.gal.

Contido relacionado

Compostela 24 Horas: "Últimos días para inscribirse nos obradoiros de Nadal do concello de ames"