[01-10-2016] Un ano máis bota a andar o programa "Amessan", que inclúe actividades de ximnasia terapéutica e de manualidades, así como obradoiros de música tradicional e de memoria. Estas actividades desenvólvense nas Casas de Cultura de Bertamiráns e do Milladoiro, así como nos locais sociais de Agrón, Ameixenda, Augapesada, Bugallido, Covas, Cruxeiras, Piñeiro, Tarroeira e Trasmonte. Este ano como novidade increméntanse dous grupo de ximnasia terapéutica, un en Bertamiráns e outro no Milladoiro. Ademais, ao longo do curso 2016-2017 realizaranse 10 charlas sobre temas de interese para as persoas maiores e aumentaranse ao longo do ano as actividades en parroquias onde nunca chegou o programa. A impartición deste proxecto foi adxudicado á empresa Magnafor Qualitas. Outra das novidades é que se incrementa nun mes a duración do programa cada tempada.
Unha vez máis coa chegada do mes de outubro retómanse as actividades do programa Amessan. Unha serie de obradoiros dirixidos a persoas maiores de 60 anos empadroadas no concello de Ames. Deste programa tamén poden tomar parte aquelas persoas cunha discapacidade, presentando un informe médico que recomende a súa asistencia a algunha das aulas. A oferta deste curso 2016/17 inclúe os obradoiros de manualidades, memoria, música tradicional e ximnasia terapéutica. Como novidade este ano aumentouse o número de grupos de ximnasia terapéutica, ante a alta demanda de persoas usuarias.
As actividades do programa Amessan impártense nos locais sociais de Agrón, Ameixenda, Augapesada, Bugallido, Covas, Cruxeiras, Piñeiro, Tarroeira, Trasmonte e nos centros socioculturais de Bertamiráns e do Milladoiro. As clases comezan este mes de outubro e rematarán no mes de xuño. As actividades de manualidades, memoria e música tradicional contan con 15 prazas por grupo, e as de ximnasia terapéutica con 25 prazas. Os obradoiros complementaranse ademais coa organización de varias charlas ao longo de todo o curso. Estas xirarán en torno a aquelas doenzas ou dificultades que acompañan á vellez. As temáticas das charlas serán debatidas coas persoas usuarias do programa, que as poderán propoñer e escoller.
Para participar dos obradoiros non é precisa a inscrición previa. As persoas que se queiran anotar deberán acudir, levando o seu documento de identidade, ao local onde se imparte a actividade o primeiro día de clase. Alí cubrirán unha ficha para formalizar a súa asistencia. As persoas con algunha discapacidade deberán levar o seu certificado médico.
Localizacións e horarios das actividades
Os obradoiros de manualidades impartiranse nos locais sociais de Agrón, os xoves de 17:00 a 19:00 horas, Cruxeiras, os martes de 17:30 a 19:30 horas, e Trasmonte, os mércores de 18:00 a 20:00 horas. Os de música tradicional ofrécense nos locais sociais de Ameixenda, os martes de 17:00 a 19:00 horas, Bugallido, os mércores de 17:00 a 19:00 horas, e no de Trasmonte, os luns de 19:00 a 21:00 horas. As actividades de memoria levaranse a cabo na Ameixenda, os xoves de 16:30 a 18:30 horas, Bugallido, os xoves de 17:00 a 19:00 horas, en Bertamiráns os luns e mércores de 16:30 a 17:30 horas, Covas, os xoves de 19:00 a 21:00 horas, Cruxeiras, os mércores de 16:30 a 18:30 horas, no Milladoiro, os mércores de 16:30 a 18:30 horas, e na Tarroeira, os mércores de 18:00 a 20:00 horas.
Ademais, organízanse un ano máis as aulas de ximnasia terapéutica. Ofértanse no local social de Augapesada, os mércores de 18:30 a 19:30 horas, no de Bugallido, os luns e venres de 20:00 a 21:00 horas ou de 21:00 a 22:00 horas, en Cruxeiras, os martes e xoves de 20:00 a 21:00 horas, no local social de Piñeiro, os luns e mércores de 19:00 a 20:00 horas, na Tarroeira, os luns e mércores de 20:30 a 21:30 horas, e en Trasmonte, os mércores e venres de 17:00 a 18:00 horas.
Nas Casas da Cultura de Bertamiráns e do Milladoiro ofrécense tres grupos distintos de ximnasia terapéutica. En Bertamiráns o grupo 1 ten clases os martes e xoves de 19:00 a 20:00 horas, o grupo 2 de 12:00 a 13:00 horas e o grupo 3 os luns e os mércores de 19:00 a 20:00 horas. Na do Milladoiro o grupo 1 ten clase os martes e xoves de 17:00 a 18:00 horas, o 2 de 18:00 a 19:00 horas, e o 3 de de 19:00 a 20:00 horas.
Adxudicación do servizo
A Xunta de Goberno Local vén de adxudicar o servizo do programa Amessan á empresa Magnafor Qualitas por un período de dous anos (cursos 2016-2017 e 2017-2018). Dito contrato poderase prorrogar de maneira expresa por tempada ata un máximo de catro curso (incluída a duración inicial e as prórrogas). A duración de cada tempada é de nove meses, empezando a tempada o 1 de outubro e rematando o 30 de xuño do ano seguinte.
Deste xeito, Outra das novidades é que se incrementa nun mes a duración do programa cada tempada. O valor estimado total do contrato ascende á contía de 129.600 euros, máis 27.216 euros de IVE, resultando un importe total de 156.816 euros, representando este o límite máximo a que pode ascender, ao longo da súa vida o gasto derivado do contrato para o Concello. O prezo unitario/hora de cada monitor é de 24,81 euros (IVE incluído).