O Concello de Ames e a Asociación Cultural Os Castros, en colaboración coa Deputación da Coruña e a Papelería Chavián, organizan para este domingo, 17 de xuño, o Festival de fin de curso do obradoiro de baile e música tradicional 2011-2012.

Este acto estará divido en dúas partes. Na primeira actuarán a escola de gaitas dos Castros e do Concello, que tocará a muiñeira das Patelas, a muiñeira do Molete e a muiñeira de Lugo. A continuación intervirán o grupo de baile dos Castros e do Concello que bailarán a xota de Paradela, a muiñeira da Fonte, a muiñeira da Costa, a muiñeira da Peregrina e a Pandeirada.

Na segunda parte tocará a Banda de Gaitas dos Castros, que interpretará o fandango de Ordes e a rumba dos cinco mariñeiros. Despois volverán bailar os membros do grupo dos Castros e do Concello, que bailarán a muiñeira de Ponte Maceira, a muiñeira Buxos Verdes, a xota de Fisterra, a muiñeira Espantallo e a muiñeira de Lañas. O acto de clausura finaliza coa Banda de gaitas dos Castros, que tocará o o pasodobre de Santiago para que o público saía a bailar. Rematarán co himno de Galicia.

Impartición das clases

No próximo curso, o obradoiro de baile e música tradicional seguirase impartindo nos mesmos horarios e lugares mantendo os mesmos horarios e lugares. Deste xeito, os sábado no centro sociocultural de Bugallido impártense as clases de baile, gaita, punteiro, pandeireta e percusión. Ademais, en Bugallido tamén se imparten clases de gaita e percusión os xoves.

Por outra banda, os domingo impártense as clases de punteiro, gaita, pandeireta e percusión no centro sociocultural de Trasmonte. Os luns, na Casa da Cultura de Bertamiráns, impártense clases de gaita e percusión, e os venres, no centro sociocultural de Biduído, ofrécense clases de pandeireta, percusión, gaita e punteiro.