“Con máis de 30.000 habitantes censados, máis de 36.000 residentes e unha contorna tamén moi ampla, Ames merecía ter un servizo como este”, manifesta Andrés Núñez, un dos promotores do novo servizo e primeiro presidente do recentemente estreado Teletaxi de Ames. O servizo funciona desde hai unha semana e, segundo Núñez, a veciñanza está satisfeita: “Nestes días que levamos co servizo son moitos os veciños e as veciñas que nos din que todas son vantaxes porque deste xeito poden chamar a calquera hora e pedir o taxi para o momento ou deixar feita a encarga para cando o necesiten, sen arriscarse a que non haxa ninguén na parada cando chamen”, salienta Núñez.

Segundo explica Andrés Núñez, a decena de profesionais do volante que se uniron para dar forma a esta iniciativa tiñan como intención “dar un mellor servizo a Ames, tanto a Bertamiráns como a O Milladoiro e ao resto do municipio e a contorna”. “Trátase -suliña Núñez- dun servizo exclusivo para o noso concello, patentado por nos mesmos e sen relación con outros, como pode ser Radiotaxi Compostela”.

10 taxistas estás adscritos até este momento ao servizo de Teletaxi en Ames. Andrés Núñez é o presidente e Santiago Núñez o tesoureiro.