[10-02-2017] O Concello de Ames, a través do departamento de Normalización Lingüística, informa de que xa están cubertas todas as prazas para o obradoiro de Crianza musical con Apego, que se vai desenvolver na Casa da Cultura do Milladoiro o sábado 18 de febreiro. Ante a gran demanda que tivo esta actividade incrementáronse as prazas e as quendas. Deste xeito, finalmente haberá tres quendas (ás 17:00h; ás 18:00h e ás 19:00 horas) e 15 prazas en cada sesión. Esta actividade está dirixida aos bebes e nenos/as de 0 a 3 anos, que terán que asistir acompañados dunha ou dúas persoas adultas.