[20-02-2016] A localización dunha avaría localizada no cruce entre a Avenida Rosalía de Castro coa Rúa Francés obriga a realizar un corte temporal do subministro de auga na rede do Milladoiro para realizar os traballos de reparación. Buscando minimizar as molestias ocasionadas aos veciños e veciñas, ás empresas e aos comercios da zona as obras realizaranse en horario nocturno.
O inicio do arranxo da avaría comezará a noite do luns, 22 de febreiro, ás 22:00 horas e prevese o seu remate para antes das 8:00 horas da mañá do martes 23. En caso de que os traballos rematen antes do previsto procederase ao inmediato restablecemento do subministro de auga. Todo veciño ou veciña que o precise poderá recibir máis información chamando ao teléfono de emerxencias e avarías 626 920 999, dispoñible as 24 horas.
Dende o Concello de Ames agradéceselle a todos os habitantes do Milladoiro a súa comprensión ante as molestias que o corte do subministro lles poida ocasionar.