[09-05-2017] O Concello de Ames, a través da concellaría de Servizos Sociais e Igualdade, convoca para este mércores, 10 de maio, ás 12:00 horas, unha concentración diante da Casa do Concello, en Bertamiráns, e diante das oficinas municipais do Milladoiro, en repulsa do asasinato dun neno de 11 anos, que presuntamente se enmarca nun caso de violencia machista, xa que o presunto asasino é o pai do rapaz. Convócase a todas as persoas que desexen asistir a dita concentración para gardar un minuto de silencio na memoria do cativo.