[19-12-2012] Con motivo de celebrar o Nadal, a Concellaría de Servizos Sociais, Familia, Dependencia e Maiores do Concello de Ames organizou un baile destinado a todos os maiores do municipio. Con esta actividade tamén se remata a celebración do 2012 como Ano europeo do envellecemento activo e saudable no marco dunha sociedade para todas as idades.
O baile será o sábado 22 de decembro ás 18.30 horas no Local do Club de Xubilados e Pensionistas do Milladoiro, situado na rúa Figueiras, 3 baixo. A actuación correrá a cargo do dúo D´Cine.
Esta actividade organízase co obxectivo de felicitar e desexar un bo Nadal dende a Concellaría de Maiores, a todos os maiores de este concello de Ames, e que disfruten en compañía de amigos e coñecidos dunhas tarde entretenida con música en directo.
