[14-11-2012] A Concellaría de Servizos Sociais, Familia, Dependencia e Maiores do Concello de Ames organizou para as próximas semanas dúas actividades informativas relacionadas coa saúde dos maiores. A entrada a estas actividades, que se desenvolverán no local de JUPEMI (Club de Xubilados e pensionistas do Milladoiro), é libre. A actividade sobre o Alzheimer será o xoves, 22 de novembro, ás 19,00 horas, mentres que a relacionada coa Diabete celebrarase o mércores, 28 de novembro, ás 18,30 horas.
Máis concretamente, o xoves 22 de novembro, ás 19,00 horas, o local de JUPEMI, situado na Rúa Figueiras, 3 Baixo, acollerá unha charla sobre o Alzheimer, titulada 'Memoria e Enfermidade'. O poñente desta conferencia será Pablo Mirás Sánchez, psicólogo de Agadea (Asociación galega para a axuda dos enfermos con demencia tipo Alzheimer).
Para o mércores 28 de novembro ás 18,30 horas, está programado un obradoiro de Diabete. Esta actividade será impartida por María Teresa Lord Rodríguez, enfermeira educadora en diabete do Complexo Hospitalario de Santiago de Compostela.
