O curso básico de lingua de signos é un das novidades da programación da Concellaría de Mocidade para este ano 2017. Esta actividade tivo unha gran demanda entre a veciñanza amesá. O curso conta con 30 participantes, divididos en dous grupos de 15 persoas, pero ademais existe un ampla lista de agarda o que demostra que esta actividade espertou moito interese entre a cidadanía. Como indican dende a OMIX, se se produce algunha baixa entre os participantes que comezaron o curso, cubrirase coas persoas que compoñen a devandita lista de agarda.

Trátase dun curso de 30 horas de formación que comezou esta mesma semana e rematará no mes de abril. O curso desenvólvese os luns na Casa da Cultura de Bertamiráns e os martes na Casa da Cultura do Milladoiro. O horario é de 18:00 a 20:30 horas. Este curso está dirixido aos mozos e mozas que teñen preferentemente entre os 16 anos e os 30 anos.

A concelleira de Mocidade, Silvia Dapena, explica que “esta actividade desenvólvese por primeira vez en Ames coa intención de que os participantes coñezan e aprendan na súa fase inicial unha linguaxe coa que romper as barreiras coas persoas xordas, mellorando a interacción social e comunicativa coas oíntes”.

Contido relacionado

La Voz de Galicia: "Curso básico en dos turnos para conocer la lengua de signos"