Nesta zona, estase actuando sobre unha superficie total de 200 metros cadrados co obxectivo de minimizar os efectos que poden causar no contorno, e especialmente nas vivendas próximas, as subidas de nivel do caudal do Rego dos Pasos. Con estas obras dáse resposta a unha sentenza do Tribunal Superior de Xustiza de Galicia do ano 2008, no que se condenaba ao Concello a adoptar as medidas correctoras necesarias para evitar o desbordamento deste río, que en anos anteriores ocasionara anegamentos nos baixos dos edificios próximos.

As obras consisten na substitución do pavimento de pedra existente na actualidade e na colocación dun muro que impida o paso da auga. O obxectivo é colocar un muro de maior altura, que permita que a auga quede contida e non desborde. Ademais, o proxecto inclúe a continuación da beirarrúa existente e o cambio do acceso actual á zona para situalo nun nivel superior, creando para isto unha rampla de acceso. Tamén se contempla a construción de dous tipos de muros: un que serve de varanda e de peche da zona de actuación e outro a modo de banco.

Os traballos que se están levando a cabo no Rego dos Pasos están incluídos no convenio asinado polo Concello de Ames coa Deputación da Coruña, que permite a posta en marcha de diferentes obras que teñen que ver coa mellora de estradas, canalización de pluviais e seguridade viaria en varios puntos do Concello.

Contido relacionado

El Correo Gallego: "Comezan os traballos que permitirán reducir os efectos da subida do nivel da auga do Rego dos Pasos"
La Voz de Galicia: "Comienzan en Ames las obras para reducir los efectos de las crecidas del Sar"