Esta mañá botou a andar o programa Rede Xiana2 no Concello de Ames coa impartición da formación transversal e complementaria. Dende o 27 de maio ata o 13 de xuño as aulas do Centro de Formación e Emprego acollerán un curso preparatorio para as probas de competencias clave no que están participando 18 alumnos/as. A través deste curso o alumnado que carece do título de Ensinanza Secundaria Obrigatoria (ESO) acadará os coñecementos necesarios para poder realizar os cursos que se enmarcan dentro deste programa. Este é un requisito formativo indispensable para que o alumando poida optar ao cursos de certificados de profesionalidade.

Neste curso impártense materias de lingua, ciencia, tecnoloxía, matemáticas, etc. Unha vez rematada esta acción formativa o alumnado poderá presentarse aos exames que organiza a Xunta de Galicia a través do Instituto Galego das Cualificacións. Non caso de superara o devandito exame os alumnos/as poderán conseguir o certificado acreditativo que permite o acceso a formación profesional ocupacional. Dentro da formación transversal e complementaria, que se impartirá nos meses de maio, xuño e xullo, está previsto que se impartan accións formativas sobre alfabetización informática (concretamente sobre a internet); busca de emprego e novas tecnoloxías; prevención de riscos laborais. Na formación complementaria investiranse 23 días.

Obtención dos certificados de profesionalidade
Posteriormente, a partir do mes de setembro impartiranse os cursos para a obtención dos certificados de profesionalidade. As accións formativas centraranse na area das novas tecnoloxías e enerxías renovables. Neste eido, haberá cinco cursos sobre a montaxe e mantemento de instalación eléctricas de baixa tensión; operacións auxiliares de montaxe de instalacións electrotécnicas e de telecomunicacións en edificios; operacións auxiliares de montaxe de redes eléctricas; montaxe e mantemento de redes eléctricas de alta tensión de segunda e terceira categoría e centros de transformación; montaxe e mantemento de instalacións solares fotovoltaicas. Esta formación terá unha parte teórica e outra parte práctica. Este cursos impartiranse ao longo dun ano (entre setembro de 2013 e setembro de 2014). Adicaranse un total de 405 días a impartición destes 5 cursos formativos.

As persoas que participan neste programa son fundamentalmente do concello de Ames, pero tamén hai alumnos/as dos concellos do Pino, Touro, Brión e Teo. Este programa tamén se imparte no Centro de Formación e Emprego do Concello de Ames, que está a pleno rendemento dende a súa posta en marcha no mes de xaneiro de 2013. As aulas deste centro acollen o obradoiro de emprego Encontro Verde e as accións formativas do programa RedeXiana2 de luns a venres, mentres que durante a fin de semana impártense as clases do curso de monitor de tempo libre.

Obxectivo: maior profesionalidade das persoas desempregadas
O obxectivo final consiste nunha maior profesionalidade das persoas desempregadas e a súa inserción no mercado laboral en termos de calidade e responsabilidade social, en virtude do Pacto Provincial polo Emprego Responsable na provincia da Coruña, asinado polos 91 concellos da provincia de menos de 50.000 habitantes que participan no proxecto RedeXiana2.

O proxecto inclúe un programa formativo que combina formación teórica con experiencia laboral en entidades e empresas da provincia de sectores económicos relacionados coa formación impartida. Ademais ofrece orientación laboral para a inserción das persoas desempregadas e apoio na procura activa de emprego a través da titorizacion e seguimento persoal permanente. Este acompañamento personalizado canalízase tamén a través do asesoramento especializado a persoas emprendedoras para a posta en marcha da súa idea empresarial.