[25-06-2012] Entre os días 25 de xuño e 5 de xullo os pais e nais dos nenos/as admitidos no campamento urbano de verán terán que realizar a correspondente matrícula para poder participar nesta actividade que se desenvolverá durante as tardes do mes de xullo na Aula da Natureza. Esta iniciativa, denominada Tardes ao Natural, tivo moi boa acollida entre a veciñanza amiense xa que se completaron practicamente todas as prazas ofertadas. Un total de 36 nenos/as están admitidos no campamento urbano de verán. Esta actividade está dirixida aos rapaces e rapazas de entre 6 e 14 anos. Premendo nos enlaces que están a túa dereita, baixo o apartado de descargas, poderás obter o impreso de matrícula e o programa do campamento urbano.