[13-12-2017] No traballo de modernizar o servizo e facelo máis accesible aos usuarios/as dende a Concellería de Educación e Cultura, infórmase que dende o 15 de decembro de 2017, cambia o procedemento para realizar o pagamento dos usos ocasionais dos servizos complementarios educativos: Bos Días, Tardes Divertidas e Comedor. Premendo nas ligazóns que están a túa dereita, baixo o apartado de descargas, poderás obter a circular informativa sobre este asunto e un documento cos pasos que hai que seguir para realizar a autoliquidación dos bonos.
Os usuarios poderán optar por:
1.- Solicitar, por correo electrónico ames@canaltributos.com, por teléfono 981 88 48 96, ou recoller nas Oficinas de Recadación Municipal, os impresos para pagar nas entidades colaboradoras.
2.- Obter a súa autoliquidación, documento válido para o pago nas entidades colaboradoras, accedendo a páxina web do Concello de Ames: www.concellodeames.gal na Oficina Virtual Tributaria
Recordámoslle que este documento debe ser entregado aos monitores dos servizos e que previamente para o uso do servizo debe solicitarse autorización.