- Tematica
Baixo o lema #LuzporlaELA a Asociación Galega de Esclerose Lateral Amiotrófica celebra hoxe 21 de xuño o Día Mundial da ELA. Esta campaña vai tinguir de verde edificios e monumentos de toda España para visibilizar a enfermidade e apoiar ás persoas enfermas.
A concellería de Benestar e Promoción da Saúde únese a esta iniciativa tinguindo de verde a Casa do Concello. Ames súmase deste xeito a unha campaña que vai iluminar máis de 60 edificios en toda Galicia.
Dende AGAELA convidan a todos e todas a fotografar os edificios iluminados en verde e a difundilos nas redes sociais coa etiqueta #LuzporlaELA.
A ELA é unha enfermidade neurodexenerativa incurable. En España diagnostícanse, cada día, tres novos casos de Esclerose Lateral Amiotrófica e falecen outras tres.