[10-05-2017] O venres 12 en Bertamiráns e o venres 19 no Milladoiro, ás 18:00 horas, o persoal das Bibliotecas municipais de Ames, organizan o "Gran xogo das letras galegas". Trátase dunha actividade dirixida os rapaces de primaria. A través deste divertido xogo por equipos, os nenos e nenas participantes coñecerán algo máis sobre a orixe e o significado do Día das Letras Galegas, así como dos autores homenaxeados ata o momento, incluído Carlos Casares. Para poder participar é preciso que os rapaces e rapazas se inscriban nas propias bibliotecas de xeito presencial ou chamando por teléfono (Bertamiráns: 981884829 / O Milladoiro: 981530807). Outra opción é enviar un correo electrónico ao enderezo biblioteca@concellodeames.gal