As festas da Peregrina de 2019 comezan este sábado, 10 de agosto, ás 19.00 horas, con pasarrúas. Pouco despois, ás 21.30 horas, haberá unha misa e a tradicional procesión de antorchas. A partir das 22:00 horas, no campo da festa da Peregrina, desenvolverase unha nova edición da festa do porco á brasa. Ao longo da noite haberá lanzamento de fogos de artificio, e ao remate da cea, actuará o grupo La Rosa. Os billetes para participar desta degustación do porco á brasa poden adquirirse no Bar Mero e na Casa Abelleira.

As festas continuarán o domingo, 11 de agosto. Ás 10:00h farase a tradicional tirada das 21 bombas de palenque. De seguido, ás 11.00 haberá farase un pasarrúas a cargo da charanga Tíralle do aire. Ás 12:00h haberá un concerto, a cargo da Banda de música de Arca, na praza da capela, e de seguido, ás 12.30h, oficiarase unha misa solemne. Unha vez rematada farase a procesión que estará acompañada pola Banda de música de Arca. A partir das 14.00 horas farase a tradicional tirada de bombas de palenque, que darán inicio a sesión vermú, que estará amenizada pola música da orquestra canaria Furia Joven.

Por último, a partir das 22.00 horas, haberá verbena no campo da festa da Peregrina a cargo do grupo Lume, que estará acompañado de Miguel Torres, e da orquestra Furia Joven.

Ligazóns:

Compostela 24 horas: "Bertamiráns prepárase para celebrar as festas da Peregrina os días 10 e 11 de agosto"

La Voz de Galicia: "Bertamiráns y Agrón llenan de fiesta el fin de semana de Ames"

La Voz de Galicia: "El mal tiempo deja a Ames sin la procesión de la Peregrina"