[15-05-2014] O Concello de Ames informa de que o sábado, 17 de maio de 2014, e segundo o establecido na Lei 13/2006, do 27 de decembro, de horarios comerciais de Galicia modificada pola Lei 1/2013, 13 febreiro, no seu artigo 8.3 establece que:
“Os establecementos situados en zonas de grande afluencia turística e os establecementos aos que se refire a letra h) da alínea 1 deben adiantar tamén o seu horario de pechamento ás 20.00 horas os días 24 e 31 de decembro. Así mesmo, tales establecementos deberán permanecer pechados os días 1 de xaneiro, 1 de maio, 17 de maio, 25 de xullo e 25 de decembro.
Malia o anterior, para o caso daqueles establecementos referidos na letra h) da alínea 1 nos que algún dos cinco días de pechamento obrigatorio coincida coa celebración de feira ou mercado tradicional na vila na que estean radicados, estes poderán proceder á apertura dos seus establecementos, dentro do horario habitual de mercado.”
Polo que se informa que non se permite a apertura de establecementos comerciais o sábado 17 de maio de 2014, salvo os establecemento sitos na localidade de Bertamiráns que poderán exercer a súa actividade dentro do horario habitual do mercado de rúa, é dicir entre as 15:30 e as 20:30 horas. Premendo nos enlaces que están a túa dereita, baixo o apartado de descargas, poderás obter o devandito bando e a LEI 13/2006, do 27 de decembro, de horarios comerciais de Galicia.