Na actividade “Estrelas e Mitoloxía” observaranse varias constelacións relacionadas coa mitoloxía e outros obxectos celestes moi interesantes. Esta actividade, que se enmarca na programación da Aula da Natureza, está organizada pola Concellaría de Xestión do Medio Natural e Atención ao Rural.

Dita actividade realizarase o sábado, 11 de outubro, de 20.30h a 22.30 horas. As persoas participantes deberán estar ás 20.30 horas no Bosque do Peregrino, situado no lugar de Ventosa, na parroquia de Covas, ás 20.30 horas. Para participar nesta actividade non é necesario inscribirse previamente.

Na actualidade observamos o ceo con coñecementos científicos, pero tamén é necesario coñecer as lendas e mitos que hai arredor das estrelas, xa que son historias do mundo antigo narradas e contadas nun contexto cultural concreto. O outono é un bo momento para observar constelacións relacionadas coa mitoloxía grega como son Andrómeda, Casiopea, Pegaso e Perseo. Tamén se observarán outros obxectos celestes moi interesantes.

Para participar nesta actividade recoméndase levar roupa cómoda e de abrigo, unha manta ou esterilla para deitarse no chan e unha lanterna. Ademais, desde a organización poñerán a disposición dos asistentes varios telescopios. Esta actividade estará impartida e dirixida por Antón Bouzas, membro do colectivo A Rula.

Novas relacionadas: 

Diario de Santiago: "A Aula da Natureza de Ames organiza este sábado, 11 de outubro, a actividade “Estrelas e Mitoloxía”"