As instalacións da Aula CeMIT de Ames, permanecían pechadas debido ao estado de alarma provocado pola Covid-19. No mes de xuño, comezaron a abrir a aula polas mañás para resolver dúbidas con cita previa e acoller aos estudantes universitarios que precisaban dunha rede para facer os seus exames. Agora, no mes de xullo, procedese á abertura da aula para o uso libre dos seus equipos. O horario será de 9.30 a 13.30 horas, deixando a tarde libre para proceder cos seus cursos dende a casa.

Normas de acceso na Aula Aberta

Para poder facer uso dos equipos da Aula Aberta será preciso cumprir unha serie de normas básicas de prevención e seguridade. A primeira é o uso de máscara en todo momento, así como limpar as mans con xel hidroalcólico antes de empregar cada equipo da Aula.

Ademais, é obrigatorio respectar as distancias de seguridade entre postos, e entre cada uso empregarase desinfectante para limpar e desinfectar a zona e garantir a seguridade dos/as usuarios/as. 

Actividades para adultos no mes de xullo

En canto ás actividades formativas, estes seguirán desenvolvéndose de maneira telemática, dividíndose as súas horas lectivas en dúas modalidades: sesións teóricas dende Youtube e sesións en modo titoría de práctica voluntaria dende Jitsi Meet.

Para este mes de xullo hai programados dous cursos: “Traballando na nube” e “Sácalle partido ao teu teléfono móbil Android”. O primeiro deles será dende o luns 6 ao xoves 9 de xullo, de 17.30 a 19.00 horas, mentres que a titoría voluntaria en Jitsi Meet para resolver dúbidas e realizar prácticas será o venres 10 de xullo de 17.30 a 19.00 horas.

Por outra banda, o curso “Sácalle partido ao teu teléfono móbil Android” desenvolverase do luns 13 ao venres 17 de xullo, de 17.30 a 19.00 horas.

Os requisitos para poder realizar algún dos cursos son contar cunha conexión estable á rede e un ordenador, tablet ou móbil. Unhas horas antes do comezo de cada curso recibirase un correo electrónico coa información necesaria para acceder a cada sesión.

Reserva de praza e máis información

Para matricularse en calquera das actividades é preciso estar rexistrado na rede CeMIT. Para máis información ou reservar praza en algún dos cursos pódese chamar ao teléfono 682 373 753 en horario de luns a venres, de 9.30 a 13.30 e de 17.00 a 19.00 horas. Tamén se pode enviar un correo a cemit.ames@xunta.gal ou acceder á súa páxina web.

Novas relacionadas:

El Correo Gallego: "Acceso a equipos da Aula CeMIT de Bertamiráns"