Pestanas principais

A andaina saudable de abril percorrerá o sábado 29 a segunda etapa do Camiño de Santiago dende o Barbanza

Xoves, 20 de abril de 2023

A Concellaría de Deportes e Promoción da Saúde, dentro do programa municipal de Andainas Saudables, organiza un percorrido pola segunda etapa do Camiño de Santiago dende o Barbanza, “A orixe”. A ruta realizarase o vindeiro sábado, 29 de abril. Os participantes camiñarán arredor de 15 quilómetros, partindo dende a praia do Vilar e chegando ata a praza Porta do Sol, en Ribeira. Os interesados en participar poden inscribirse cubrindo este formulario ata o mércores, día 26. Haberá servizo de autobuses con saída dende a praza do Concello, en Bertamiráns, ás 09:00 horas; e dende a Casa da Cultura do Milladoiro ás 9:15 horas. 

O Concello de Ames, a través da Concellaría de Deportes e Promoción da Saúde, organiza unha nova actividade dentro do programa municipal Andainas Saudables. Trátase da segunda etapa do Camiño de Santiago dende o Barbanza, un recorrido de 120 quilómetros que parte dende o Faro de Corrubedo e pasa por diversos lugares da ría de Arousa, atravesando cidades e pobos costeiros como Ribeira, A Pobra do Caramiñal, Boiro e Rianxo ata enlazar co Camiño Portugués ao chegar a Padrón.

Os participantes comezarán a ruta na praia do Vilar, recorrerán quince quilómetros ata chegar á praza Porta do Sol, na localidade de Ribeira. Recoméndase levar roupa e calzado axeitados. Hai 70 prazas dispoñibles, e as persoas interesadas en anotarse poden facelo ata o mércores, 26 de abril, ás 14:00 horas, cubrindo o formulario ao que se pode acceder a través desta ligazón ou mediante o código QR do cartaz.

Haberá servizo de autobús dende a praza do Concello de Bertamiráns (ás 9:00 horas) e dende a Casa da Cultura do Milladoiro (ás 9:15 horas). Debido á alta demanda en anteriores andainas, nesta ocasión terán prioridade as persoas empadroadas en Ames.

Cartaz da andaina saudable do 29 de abril

Multimedia

  • A andaina saudable de abril percorrerá o sábado 29 a segunda etapa do Camiño de Santiago dende o Barbanza