A localidade pontevedresa de Soutomaior acolleu a pasada fin de semana a Final da Liga Galega de Karate, unha cita na que reuniron os mellores karatekas de Galicia e que decidiu os Grand Winners desta temporada. A amesá Olivia Parga, que chegaba no primeiro lugar dentro do ranking da súa categoría, cadete <47kg, acabou levándose o Grand Winner da temporada tras acadar a medalla de prata nesta xornada. 

Tras conseguir a medalla de ouro nas outras tres citas da liga galega, a deportista do Milladoiro fíxose coa medalla de prata nesta derradeira proba tras disputar tres combates. O primeiro deles, perdendo por un axustado 2-1, mentres que gañou o segundo, cun 4-0 e, o terceiro, volveu a gañar con un 4-0. 

Con esta estela de resultados, Olivia Parga obtivo finalmente o Grand Winner da temporada, reflectindo así o seu traballo e esforzo ao longo destes meses. Este logro sitúa á amesá como unha das mellores karatekas de Galicia. 

Youth League de Poreč 
A pesar de que a Liga Galega puxo o seu peche o pasado 21 de xuño, a temporada aínda non rematou. Esta fin de semana, Olivia Parga, xunto co seu irmán Xoán David Parga, disputarán a Youth League de Poreč, en Croacia, unha proba que reúne a máis de 3000 karatekas de case 80 países. Pola súa banda, Xoán David Parga competirá na categoría junior <61kg, mentres que Olivia Parga participará na categoría U14 <47kg. 

Novas relacionadas:

Ames Go: "Olivia Parga acada a prata, logo de 3 ouros seguidos, e un Grand Winner"

Diario de Santiago: "A amesá Olivia Parga obtén o Grand Winner da Liga Galega de Karate 2025"

Diario de Compostela: "La vecina de Ames Olivia Parga conquista el kárate gallego y pone rumbo a Croacia para competir a nivel mundial"