[17-02-2016] “Ames Radio”, a emisora municipal de Ames reemitirá todos os días, de luns a venres, ás 20:30 a revista informativa “Somos Ames”. Este espazo radiofónico emítese en directo entre as 12:15 e as 23:30 do mediodía. “Somos Ames” é un programa de crónicas, entrevistas e reportaxes que se sustenta na actualidade e na historia do Concello de Ames. A cultura, a política, a economía, a educación, a sanidade, as infraestruturas, o comercio, o deporte, o medio ambiente e todo canto concirne á vida municipal e aos veciños e veciñas do Concello están presentes diariamente nesta revista informativa feita para e por os cidadáns de Ames. Cunha cobertura do 100 % do territorio municipal, Ames Radio pódese escoitar no 107.2 da FM. Tamén é posible escoitar esta emisora local a través do servizo de streaming aloxado na propia páxina web do Concello, na marxe superior dereita.