[27-11-2012] O próximo sábado, 1 de decembro, ás 20:00 horas, terá lugar na Casa da Cultura do Milladoiro a VII Gala do Deporte organizada polo Concello de Ames, a través da Concellaría de Deportes. Neste acto premiase aos deportistas e clubs deportivos que destacaron ao longo deste ano. O fútbol sala, o triatlón, o atletismo, o tenis e o fútbol serán os deportes protagonistas na gala que presentarán os xornalistas Diego Viaño e Terio Carrera. Esta é xa a sétima edición dunha gala que cada ano premia o esforzo e a superación persoal no deporte amiense.
Os xornalistas Diego Viaño e Terio Carrera serán os mestres de cerimonia nesta edición da Gala do Deporte e irán anunciando os galardóns das oito categorías. O fútbol sala, o triatlón, o atletismo, o tenis e o fútbol serán os deportes protagonistas debido ao éxito e esforzo dos deportistas e clubs amienses. Establécense oito categorías: mellor deportista masculino, mellor deportista feminina, mellor deportista pertencente a un club de Ames, mellor promesa masculina e feminina, mellor club, recoñecemento especial a unha persoa relacionada intimamente ao fomento do deporte do concello, e premio especial.
Como todos os anos, a gala será organizada pola Concellaría de Deportes e terá lugar este sábado 1 de decembro, ás 20:00 horas, no auditorio da Casa da Cultura do Milladoiro.