[07-09-2017] O Concello de Ames, a través da Concellaría de Deportes, está preparando unha ampla oferta de actividades para a celebración do Día do Deporte na área deportiva de Milladoiro. O sábado 16 de setembro, de 11:00 a 19:00 horas, os veciños e veciñas de todas as idades poderán gozar de varias actividades deportivas axeitadas a todos os gustos. Todas as persoas que participen nas actividades deportivas recibirán un tícket para o sorteo de agasallos. Haberá baloncesto, fútbol sala, voleibol, tenis, piragüismo, patinaxe, zumba, atletismo e moitas máis actividades nas que poderás participar e probar.
O deporte é necesario. É unha actividade lúdica e mental que mellora a calidade de vida de quen o practica. Ademais, non só é beneficioso para pór en forma o corpo senón tamén para prever enfermidades como as coronarias, e incrementar a autoestima e o optimismo. Todas as persoas interesadas en realizar un deporte pero que aínda non saben por que disciplina decantarse, teñen a ocasión ideal de escoller unha actividade no Día do Deporte de Ames.
O vindeiro sábado, 16 de setembro, na área deportiva do Milladoiro haberá baloncesto, fútbol sala, voleibol, tenis, piragüismo, patinaxe, zumba, atletismo e moitas máis actividades nas que poderás participar e probar. Con cada actividade entregarase un tícket para o sorteo de agasallos. Tamén haberá inchables, obradoiros, competicións 3x3, carreiras e xogos. O Día do Deporte reunirá as actividades propostas na área deportiva do Milladoiro. Todas as actividades comezarán ás 11:00 horas e prolongaranse ata as 19:00 horas da tarde.