[08-01-2019] A Casa da Cultura de Bertamiráns acolle o vindeiro sábado, 12 de xaneiro, ás 18.00h o Concerto de Nadal do Concello de Ames. O evento contará coa participación da Asociación Cultural Os Castros, AC Retranqueiros, AC Terras de Ames e AC Follas Novas, así como con actuacións dos grupos Maianas, Airiños do paseo de Colón e o gaiteiro Germán Vázquez Soneira.
Ames pon punto e final á programación de Nadal co Concerto de Nadal, un encontro de agrupacións de música e baile tradicional que terá lugar o vindeiro sábado na Casa da Cultura de Bertamiráns ás 18.00h. Durante a tarde actuarán as asociacións culturais Os Castros, Retranqueiros, Terras de Ames e Follas Novas. Asemade, polo escenario tamén pasarán o grupo amesá de pandereteiras Maianas, o conxunto Airiños do paseo de Colón e o gaiteiro da Maía, Germán Vázquez Soneira.
A entrada para este Concerto de Nadal é gratuíta ata completar aforo.
