As aulas de Música e Movemento teñen lugar no Espazo Multiusos de Ameixenda, todos os luns e os mércores en horario de 17:30 a 18:30 horas. Entre os obxectivos desta actividade están fomentar o gusto pola música, aprender a diferenciar instrumentos musicais, coñecer distintos elementos da linguaxe musical coma o pentagrama, a clave de sol ou as notas ou desenvolver o ouvido musical. Nenos e nenas aprenderán danzas sinxelas e empregarán instrumentos de percusión ou o seu propio corpo para crear ritmos e músicas diferentes.

Os impresos para a matrícula pódense obter premendo nas ligazóns do apartado de descargas, ou presencialmente Casa da Cultura do Milladoiro ou no Pazo da Peregrina en Bertamiráns. Na primeira folla cubriranse os datos do alumno ou alumna, así como unha autorización para o estudantado menor de 18 anos. Na segunda débese sinalar a actividade escollida, neste caso Música e Movemento, e na terceira o certificado de domiciliación bancaria. A matrícula ordinaria da EMMA ten un custo de 50 euros e as cotas mensuais da actividade un prezo de 35 euros.