[12-09-2011] Aeróbic, ximnasia de mantemento, baloncesto, natación, actividade física para discapacitados, pilates, obradoiros de música, baile ou canto son algunhas das actividades que o Concello de Ames ofrece ao longo do curso 2011 – 2012 dentro do programa das escolas deportivas e obradoiros culturais. O mércores, 14 de setembro, dá comezo o segundo prazo de matrícula, para prazas libres e grupos de nova creación, que rematará o vindeiro 20 de setembro. As listaxes definitivas publicaranse o venres 23 na web do concello e nos taboleiros da Casa da Cultura do Milladoiro e do Pazo da Peregrina de Bertamiráns. Para obter máis información sobre a relación de prazas libres nas que te podes inscribir podes premer na ligazón que está na marxe dereita baixo o epígrafe de "descargas".