[21-10-2017] O Concello de Ames, a través da Concellaría de Educación, abre un novo prazo de matrícula para o programa de psicomotricidade. O prazo permanecerá aberto entre o 23 e o 31 de outubro, ambos incluídos. As familias interesadas poderán obter máis información chamando ao número de teléfono 981 891 476 ou enviando un correo electrónico ao enderezo educacion@concellodeames.gal. A actividade, que está dirixida a crianzas entre os 3 e os 5 anos, desenvolverase nos CEIPs da Maía e Agro do Muíño e na EEI do Milladoiro.
Entre o 23 e o 31 de outubro, ambos incluídos, as nais e pais interesados poderán inscribir as súas crianzas no programa municipal de psicomotricidade educativa e preventiva. Dirixida a nenas e nenos de 3, 4 e 5 anos, a actividade desenvólvese no CEIP A Maía, no CEIP Agro do Muíño e na escola infantil do Milladoiro. O seu obxectivo é favorecer o desenvolvemento das crianzas cunhas sesións semanais, dunha hora de duración, que se estenden ao longo do curso escolar. Para obter máis información sobre o programa de psicomotricidade, as familias interesadas poderán chamar ao número de teléfono 981 891 476 ou enviar un correo electrónico ao enderezo educacion@concellodeames.gal.