As persoas que desexen realizar unha cacharela e/ou sardiñada nesta data nun terreo privado deben presentar a solicitude correspondente por algunha das seguintes vías, antes do 22 de xuño ás 14.00 horas: a través da sede electrónica do Concello de Ames, ou enviando un correo electrónico co modelo de solicitude ao enderezo rexistro@concellodeames.gal. Debido á situación xerada pola Covid-19 non se admitirá a presentación de solicitudes no rexistro de maneira presencial.

En canto ao número de persoas que se poidan reunir en grupo para a celebración desta festividade, este axustarase ao disposto na normativa vixente o día 23 de xuño de 2020 reguladora da situación de emerxencia sanitaria, así como as demais recomendacións establecidas polas autoridades sanitarias competentes.

Ao pé desta nova encontrarás o modelo de solicitude, así como o bando da alcaldía coas normas para cacharelas e sardiñadas.

Novas relacionadas:

Compostela 24 horas: "Ames abre o prazo para solicitar permiso para realizar cacharelas na noite de San Xoán en terreos privados"

Revista Ames Go: "Os permisos para cacharelas privadas poden solicitarse ata o 22 de xuño"