A Oficina de Voluntariado de Ames (OVA) organiza unha nova edición do curso de inglés básico para maiores Achégate ao inglés na localidade de Bertamiráns. O obxectivo desta iniciativa é ofrecerlle a posibilidade ás persoas maiores de aprender as pautas básicas para desenvolverse nesta lingua a nivel escrito e oral. O curso está dirixido a persoas que non tiveron contacto previo coa lingua inglesa.

As clases comezarán o 27 de outubro e desenvolveranse ata o mes de xuño, os martes en horario de 12.00 a 13.00 horas, na Casa dos Maiores de Bertamiráns, que está situada na praza da Maía. O curso é gratuíto e estará impartido por unha profesora voluntaria.

O prazo para apuntarse xa está aberto, hai 14 prazas dispoñibles que se cubrirán por rigorosa orde de inscrición. As persoas interesadas en participar, deberán enviar un correo electrónico ao enderezo voluntariado@concellodeames.gal ou chamar ao número de teléfono 662 377 044.