“Parabéns para ti!” é a nova proposta de contacontos do departamento de Bibliotecas do Concello de Ames dentro da súa programación para este primeiro trimestre do ano. Trátase de seis sesións de contacontos para nenos e nenas de entre 3 e 8 anos, que se desenvolverán tanto en Bertamiráns (o martes 17, o mércores 18 e o xoves 19 de xaneiro) como no Milladoiro (o martes 31 de xaneiro, o mércores 1 e o xoves 2 de febreiro). Todas as sesións terán lugar ás 17:30 horas.

O prazo de inscrición xa está aberto para as sesións que van ter lugar na biblioteca de Bertamiráns, dende hoxe, luns 9 de xaneiro, ata o vindeiro sábado, día 14.

No caso das inscricións da biblioteca do Milladoiro, deberán facerse entre o 23 e o 28 de xaneiro, escribindo a biblioteca@concellodeames.gal e indicando nome, apelidos, idade dos nenos/as e teléfono de contacto; ou chamando ao 981 530 807.

Encontros literarios
Ademais das actividades para a rapazada, as bibliotecas de Ames organizan tamén iniciativas destinadas a adultos, como os tradicionais encontros con autores que acoden a presentar as súas obras. Dende que deu comezo o curso 2022-2023, en setembro, xa interviñeron oito escritores: Diego Rojo, Eduardo Estévez, Xosé Manoel Núñez Seixas, Fernando Franjo, Alfredo Conde, Marga Tojo, Elba Pedrosa e Francisco Leira.

Novas relacionadas:

El Correo Gallego: "Anotación para as sesións de contacontos de xaneiro a febreiro nas bibliotecas"