[21-07-2016] Como todos os obradoiros ofertados polo Concello de Ames os de manualidades tamén chegaron ao seu fin. No curso 2015-2016 a concellaría de Cultura e Educación asumiu a organización deste obradoiro, engadindo unha modalidade para as crianzas e outro de técnicas artesanais e de restauración.
A finais do mes de maio remataban os obradoiros de manualidades do Concello de Ames, nos que participaron 41 persoas. As fotografías mostran os resultados de meses de traballo. Do obradoiro de técnicas artesanais, impartido en Bertamiráns e no Milladoiro pola profesora Aurora García, naceron mesas, marcos de fotografía, caixas decoradas ou mesmo un paragüeiro.
O obradoiro de arte miúda, a cargo da empresa Vagalume, traballou con nenas e nenos distintos tipos de expresións plásticas. Na páxina de Facebook do Concello de Ames atópanse publicadas as fotografías dos traballos realizados ao longo do curso.
