Os rapaces aprenderon a importancia de cruzar debidamente polos pasos de peóns, coñeceron os sinais de tráfico e as medidas de seguridade que deben ter en conta á hora de viaxar en coche, bicicleta ou transporte público. Ademais, souberon das posibles infraccións ás que se poden expoñer se non obedecen as normas de circulación.  

Os membros da Policía Local sinalaron que é moi importante que dende a infancia se asimilen e respecten aspectos fundamentais para a seguridade viaria. Os nenos recibiron un carné para que poidan simular ser axudantes de policía cando saian á rúa cos seus pais. Para finalizar, tiveron ocasión de coñecer o coche-radar da Dirección Xeral de Tráfico e o vehículo da Policía Local.